1-857-312-8930 piayiti@comcast.net




Ti Koze Listwa

Listwa rapòte ke  legliz sa nou toujou pase devan li chak jou nan Avni Poupla a te bati ak rès feray ansyen lokal Bank Nasyonal Ayiti. Eske w te konn sa? Kite m di ke se Pè Poupla, kire katedral Potoprens nan tan sa a, ki te deside ranmase rès feray ansyen kay ki te bati pou Bank Nasyonal Ayiti ke endividi te sakaje lè Michel Domeng te pedi pouvwa li. Pè Poupla te pote  rès feray yo nan zòn Bwa Badè, sou yon ti tèt mòn anlè Pòs Machan kote li te tabli ti chapèl Sen Antwàn-de-Padou. Depi lè ti chapèl sa a te kreye nan lane 1902, gen apil chanjman ki fèt ladan li pou li te ka rive adapte li ak reyalite moman yo, sitou kantite fidèl yo ki te ap ogmante. Apre kèk tan, chemen ki pi long ki mennen nan legliz sa a te vin pote non avni Poupla, nan lide pou fè sonje sila a ki te kreye legliz sa a. Jounen Jodia li klase nan patrimwàn nasyonal peyi d’Ayiti.

Pawas Sen Antwàn moun Padou fenk sot fete fèt patwonal li jou ki te samdi 13 jen 2020 an. Klike sou imaj anba a pou w ka viv lamès la.