1-857-312-8930 piayiti@comcast.net

APRANN ANGLÈ – $150 – EVERETT HIGH SCHOOL

Quand :
janvier 27, 2020 @ 6:00 – 8:00 America/New York Fuseau horaire
2020-01-27T18:00:00-05:00
2020-01-27T20:00:00-05:00
Où :
Everett High School
100 Elm St
Everett, MA 02149
États-Unis
Coût :
$150
Contact :
Everett High School
(617) 394-2490

Rezon : Respè nan travay ak devan Pitit – Valè nan Legliz ak Sosyete a – Vin pi Kretyen!

KISA: Aprann Anglè

KI KOTE:  Everett High School

ADRÈS: 100 Elm St, Everett, MA 02149

KI JOU: Chak Lendi ak Mèkredi (Kòmanse 27 Janvye, 2020)

AKILÈ: 6 zè nan aswè rive 8 tè diswa

PRI? $150

ENSKRIPSYON? 21, 22 ak 23 Janvye 2020 (mache ak kòb la).

AKILÈ: 5 kè nan aswè rive 8 tè diswa

ENVITASYON: Tout Ayisyen alawonnbadè: Everett, Malden, Medford, Saugus, Lynn elatriye…

KI BIS KI PASE LA?

BIS 110 (ki fè Wellington pou rive Wonderland estasyon) depose w devan lekòl la.

BIS 109 (ki fè Sullivan pou rive Linden Square estasyon), desann sou ‘Broadway ak Ferry St’ epi  mache pou 5 minit

BIS 104  (ki fè Malden pou rive Sullivan estasyon ), desann sou ‘Broadway ak Ferry St’ epi mache 5 minit.

KI TREN ki ka konekte m? Nenpòt, men desann nan: Malden, Sullivan oswa Wellington.

KONTAKTE: (617) 394-2490 pou Everett High School

MBTA: 617-222-3200 pou zafè bis

NEXTBUS.COM: sou tel ou (lap ba w akilè lòt bis la ap rive egzakteman).

ANONS : Pou ane sa, pa rete dèyè nan kamyonèt la, aprann Anglè! Travay ou, pitit ou, Legliz la ak sosyete a, ap pi respekte w si w konn pale Anglè. Mande travay ou jou «OFF », ki se jou konje a. Depi w di se pou rezon sa, yo ka ba w li. Gen plizyè nivo nan kou Anglè a, yap pase w yon tès anvan w kòmanse. $150 se lajan yon bèl rad oswa tenis. Bay tèt ou kado sa !

M pa gen okenn enterè nan piblikasyon kou Anglè sa. Enterè m, se ou menm. Lè ma wè wap pale Anglè kon dlo kokoye, map kontan epi Bondye ap souri. Lè w ale nan lamès oswa sèvis Pwotestan an Anglè, wap ka konprann. Se sa ki travay Nouvo Evanjelizasyon an.

Fon ti kanpe sou jèn ak reyinyon priyè chak semèn yo. Gade lamès oswa program televizyon an Anglè kòm lapriyè sou telefòn ou. Tande chante relijye an Anglè pou w evolye nan lang la. Li lè pou w ka li Bib Anglè a, menm jan ak Dirijan Legliz oswa Gwoup ou yo. Èske w pa wè tèt ou toujou atè, oswa wap bay yon fo souri lè pitit ou yo, bòs nan travay oswa dirijan Legliz yo rankontre?  Yap vide Anglè atè, epi w rete bèkèkè. Leve defi sa jodiya, al vanse nan Anglè a. M konte sou ou. Ou ka fè m konnen tou, si w ale.

Mèsi.

 

 

Laisser un commentaire